Preifatrwydd

Hysbysiad Preifatrwydd Cefnogi Trydydd Sector Cymru 25 Mawrth 2026

1. Cyflwyniad

Mae Cefnogi Trydydd Sector Cymru (TSSW, y cyfeirir ato yn yr hysbysiad hwn fel ni neu ein) wedi ymrwymo i ddiogelu eich preifatrwydd. Mae’r hysbysiad preifatrwydd hwn (Hysbysiad Preifatrwydd) yn egluro sut mae aelodau TSSW yn casglu ac yn prosesu data personol.

Mae’r Hysbysiad Preifatrwydd hwn hefyd yn egluro sut bydd aelodau TSSW yn rhannu ac yn defnyddio data personol, ac at ba ddibenion. Mae hyn yn cynnwys y cronfeydd data rydym yn eu rheoli (Cronfeydd Data) a’r data personol sydd ynddynt. 

Mae’r Hysbysiad Preifatrwydd hwn wedi’i fwriadu ar gyfer unrhyw unigolion y mae eu data personol wedi’i gynnwys yn y Cronfeydd Data i’w defnyddio gan aelodau TSSW.

Mae’n bosibl y byddwn ni’n diweddaru’r Hysbysiad Preifatrwydd hwn o bryd i’w gilydd.

2. Pwy yw TSSW?

Mae TSSW yn gydweithrediad rhwng Cyngor Gweithredu Gwirfoddol Cymru (CGGC) a’r Cynghorau Gwirfoddol Sirol (CVCs). Nod pawb ohonom yw galluogi’r trydydd sector a gwirfoddolwyr ledled Cymru i gyfrannu’n llawn at lesiant unigol a chymunedol, yn awr ac yn y dyfodol. 

Mae rhestr lawn o’n haelodau presennol ar gael yma.

Bydd y llwyfannau, y gwasanaethau a’r Rhyngwynebau Rhaglennu Cymwysiadau (API) cysylltiedig canlynol yn defnyddio eich data personol yn unol â’r Hysbysiad Preifatrwydd hwn:

• Rheoli Cysylltiadau â Chleientiaid (CRM)
• Cyllido Cymru
• infoengine

• Hwb Gwybodaeth
• Cefnogi Trydydd Sector Cymru
• Gwirfoddoli Cymru

3. Data Personol

Mae data personol yn golygu unrhyw wybodaeth am unigolyn y gellir ei defnyddio i adnabod y person hwnnw. Nid yw’n cynnwys data lle nad oes modd adnabod unigolyn (data dienw).

Efallai y byddwn yn casglu, yn defnyddio, yn storio ac yn trosglwyddo gwahanol fathau o ddata personol. Os hoffech weld sut mae eich gwybodaeth bersonol yn cael ei defnyddio, gan gynnwys ar gyfer gwasanaethau penodol, ewch i’r adran Defnyddio eich data personol ar waelod yr Hysbysiad Preifatrwydd hwn.

Cronfeydd data

Mae’r Cronfeydd data yn ein galluogi i reoli sut rydym yn cyfathrebu â phobl a sefydliadau sy’n dymuno clywed gennym. Gan ddefnyddio’r data personol yn y Cronfeydd data, gallwn anfon cyfathrebiadau a fydd, yn ein barn ni, o ddiddordeb i chi drwy e-bost, ffôn, SMS, post, cyfryngau cymdeithasol a sianeli digidol eraill. Mae defnyddio’r Cronfeydd data yn osgoi dyblygu diangen ac yn eich galluogi i reoli’r cyfathrebiadau rydych chi’n eu cael gan TSSW neu ei aelodau.

Rydym hefyd yn defnyddio’r Cronfeydd data i ddarparu gwybodaeth a dadansoddiadau. Mae hyn yn ein helpu i wneud y canlynol:

• Gwella effeithiolrwydd ein cyfathrebu’n barhaus.
• Datblygu’r cynhyrchion a’r gwasanaethau rydym yn eu cynnig i’r sefydliadau sy’n aelodau.
• Monitro cyrhaeddiad ein cyfathrebiadau ac amrywiaeth y derbynwyr.
• Darparu adroddiadau i gyllidwyr a rheoleiddwyr.

Marchnata trydydd parti

Ni fyddwn yn rhannu eich data personol ag unrhyw drydydd parti at ddibenion marchnata.

Optio allan

Gallwch ofyn i ni neu drydydd parti roi’r gorau i anfon negeseuon marchnata atoch chi unrhyw bryd drwy ddilyn y dolenni optio allan ar unrhyw neges farchnata a anfonir atoch chi neu drwy gysylltu â ni. Pan fyddwch yn dewis optio allan rhag derbyn y negeseuon marchnata hyn, ni fydd hyn yn berthnasol i ddata personol a ddarperir i ni o ganlyniad i dderbyn ein gwasanaethau ac at y dibenion hynny. 

Os na fyddwch chi’n darparu data personol

Pan fydd angen i ni gasglu data personol yn ôl y gyfraith, neu o dan delerau contract sydd gennym gyda chi, ac na fyddwch chi’n darparu’r data hwnnw pan ofynnir amdano, efallai na fyddwn yn gallu cyflawni’r contract sydd gennym neu rydym yn ceisio ymrwymo iddo gyda chi (er enghraifft, i ddarparu gwasanaethau i chi). Yn yr achos hwn, efallai y bydd yn rhaid i ni ganslo gwasanaeth sydd gennych gyda ni ond byddwn yn rhoi gwybod i chi os bydd hyn yn digwydd ar y pryd.

4. Sut mae TSSW yn casglu Data Personol?

Rydym yn defnyddio dulliau gwahanol i gasglu data gennych chi ac amdanoch chi, gan gynnwys drwy’r canlynol:

Rhyngweithio uniongyrchol. Gallwch roi eich data personol i ni pan fyddwch yn rhyngweithio’n uniongyrchol â ni, boed hynny wyneb yn wyneb neu ar-lein.

Technolegau neu ryngweithio awtomataidd. Wrth i chi ryngweithio â’n gwefan, byddwn yn casglu Data Technegol yn awtomatig am eich offer, eich hanes pori a’ch patrymau. Rydym yn casglu’r data personol hwn drwy ddefnyddio cwcis a thechnolegau tebyg eraill.

Trydydd partïon. Efallai y byddwn yn cael data personol amdanoch gan wahanol sefydliadau sy’n aelodau neu sydd â chysylltiad â ni. Er enghraifft, efallai eich bod yn gweithio neu’n gwirfoddoli i un o’r sefydliadau hyn a bod y sefydliad wedi trosglwyddo eich manylion i ni.

5. Datgelu eich Data Personol

Efallai y byddwn yn rhannu eich data personol â’r trydydd partïon canlynol:

• Darparwyr gwasanaethau – rydym yn defnyddio rhai darparwyr trydydd parti i’n helpu i redeg ein sefydliadau, fel darparwyr gwasanaethau sy’n darparu systemau TG a gweinyddu systemau, neu werthuswyr i asesu ein Cronfeydd Data a’n systemau. 
• Cynghorwyr proffesiynol gan gynnwys cyfreithwyr, bancwyr, archwilwyr ac yswirwyr sy’n darparu gwasanaethau ymgynghori, bancio, cyfreithiol, yswiriant a chyfrifyddu.
• Awdurdodau treth y mae’n ofynnol iddynt adrodd ar weithgareddau prosesu mewn rhai amgylchiadau.
• Partneriaid digidol dibynadwy ac integreiddiadau gwasanaeth – mewn rhai achosion, gall data personol gael ei rannu â mudiadau partner dibynadwy pan fo hyn yn angenrheidiol i ddarparu gwasanaethau TSSW neu wella’r mynediad at gyfleoedd gwirfoddoli, cyllido neu gymorth. Gall hyn gynnwys integreiddiadau system diogel neu Ryngwynebau Rhaglennu Cymwysiadau (APIs) sy’n caniatáu i blatfformau cymeradwy arddangos neu brosesu gwybodaeth berthnasol (er enghraifft, cyfleoedd gwirfoddoli). Bydd unrhyw drefniadau o’r fath dim ond yn cael eu sefydlu gyda phartneriaid a gymeradwywyd drwy bartneriaeth TSSW a byddant yn gweithredu yn unol â deddfwriaeth diogelu data a chytundebau rhannu data priodol.

Rydym yn mynnu bod pob trydydd parti yn parchu diogelwch eich data personol ac yn ei drin yn unol â’r gyfraith. Nid ydym yn caniatáu i’n darparwyr gwasanaethau trydydd parti ddefnyddio eich data personol at eu dibenion eu hunain a dim ond at ddibenion penodol ac yn unol â’n cyfarwyddiadau ni y byddant yn cael prosesu eich data personol.

Adroddiadau

Efallai y byddwn yn paratoi adroddiadau o’r Cronfeydd data ac yn eu rhannu â Llywodraeth Cymru, awdurdodau lleol, byrddau iechyd, y Comisiwn Elusennau a sefydliadau tebyg yn ôl yr angen. Efallai y bydd yr adroddiadau hyn yn cael eu cyhoeddi hefyd.

Mae’r adroddiadau’n cael eu paratoi gan ddefnyddio Data Cyfunol (fel y’i diffinnir ymhellach yn yr Hysbysiad Preifatrwydd hwn). Ni ddarperir eich gwybodaeth bersonol er mwyn llunio adroddiad ac ni fyddwn yn rhannu eich gwybodaeth bersonol â’r cyrff hyn. Gall aelodau TSSW benodi ymchwilydd allanol i’n helpu gyda’r gwaith hwn, a fyddai’n gallu cael mynediad at y Data Cyfunol sydd yn y Cronfeydd Data.

6. Diogelwch Data

Rydym wedi rhoi mesurau diogelwch priodol ar waith i atal eich data personol rhag cael ei golli’n ddamweiniol, ei ddefnyddio neu ei gyrchu mewn ffordd heb awdurdod, ei newid neu ei ddatgelu. Ar ben hynny, rydym yn cyfyngu ar fynediad at eich data personol i aelodau TSSW, cyflogeion, asiantau, contractwyr a thrydydd partïon eraill y mae angen busnes iddynt wybod. Dim ond ar ein cyfarwyddiadau ni y byddant yn prosesu eich data personol ac mae dyletswydd cyfrinachedd arnynt.

Rydym wedi rhoi gweithdrefnau ar waith i ddelio ag unrhyw amheuaeth o dorri diogelwch data personol a byddwn yn rhoi gwybod i chi ac unrhyw reoleiddiwr perthnasol am achos o dorri amodau lle mae’n ofynnol yn gyfreithiol i ni wneud hynny.

7. Cadw Data

Byddwn ond yn cadw eich data personol am gyn hired ag sy’n rhesymol angenrheidiol i gyflawni’r dibenion y casglwyd y data ar eu cyfer, gan gynnwys at ddibenion bodloni unrhyw ofynion cyfreithiol, rheoleiddiol, treth, cyfrifyddu neu adrodd. Efallai y byddwn yn cadw eich data personol am gyfnod hirach os bydd cwyn neu os byddwn yn credu’n rhesymol bod posibilrwydd o ymgyfreitha mewn cysylltiad â’n perthynas â chi.

Er mwyn penderfynu ar y cyfnod cadw priodol ar gyfer data personol, rydym yn ystyried maint, natur a sensitifrwydd y data personol, y risg bosibl o niwed o ddefnyddio neu ddatgelu eich data personol heb awdurdod, y dibenion rydym yn prosesu eich data personol ar eu cyfer ac a allwn gyflawni’r dibenion hynny drwy ddulliau eraill, a’r gofynion cyfreithiol, rheoleiddiol, treth a chyfrifyddu perthnasol, neu ofynion eraill.

Mewn rhai amgylchiadau, gallwch ofyn i ni ddileu eich data personol: cymerwch gip ar eich hawliau cyfreithiol isod i gael rhagor o wybodaeth.

8. Rheolydd data

Er bod y Cronfeydd data’n cael eu rheoli gan CGGC, mae’r wybodaeth yn y Cronfeydd data’n cael ei chadw ar ran holl aelodau TSSW. Rydym yn rheolwyr data ar y cyd ar gyfer y data personol sydd yn y Cronfeydd data. 

Rydym wedi ymrwymo i Femorandwm Cyd-ddealltwriaeth sy’n llywodraethu ein perthynas mewn cysylltiad â’r Cronfeydd data a’r gwasanaethau. Mae pob aelod o TSSW sydd wedi ymrwymo i’r Memorandwm hwn wedi penodi cyswllt sy’n gyfrifol am unrhyw ddata personol sy’n cael ei rannu o dan y Memorandwm, ac am gydymffurfio ag ef. 

9. Sail gyfreithiol dros brosesu

Dim ond pan fydd cyfraith diogelu data y DU yn caniatáu i ni wneud hynny y byddwn ni’n defnyddio eich data personol. Yn fwyaf cyffredin, rydym yn prosesu eich data personol at y dibenion a ddisgrifir yn yr Hysbysiad Preifatrwydd hwn, ar sail y rhesymau cyfreithiol canlynol:

• Pan fydd angen i ni gyflawni’r contract rydym ar fin ymrwymo iddo neu rydym wedi ymrwymo iddo gyda chi (fel darparu gwasanaethau i chi).
• Pan fo hynny’n angenrheidiol ar gyfer ein buddiannau dilys ni (neu rai trydydd parti), ac nad ydynt yn drech na’ch buddiannau a’ch hawliau sylfaenol chi. Er enghraifft, gwella ein gwasanaethau i ddiwallu anghenion ein cleientiaid. 
• Pan fydd angen i ni gydymffurfio â rhwymedigaeth gyfreithiol. Er enghraifft, weithiau mae rhwymedigaethau cyfreithiol yn ei gwneud yn ofynnol i ni gadw gwybodaeth benodol.

10. Eich Hawliau Cyfreithiol

O dan rai amgylchiadau, mae gennych yr hawl i wneud y canlynol:

• Gofyn am fynediad at eich data personol (sy’n cael ei alw’n gais am fynediad at ddata gan y testun fel arfer). Mae hyn yn eich galluogi i gael copi o’r data personol sydd gennym amdanoch ac i wneud yn siŵr ein bod yn ei brosesu’n gyfreithlon.
• Gofyn am i’r data personol rydym yn ei ddal amdanoch chi gael ei gywiro. Mae hyn yn eich galluogi i sicrhau bod unrhyw ddata anghyflawn neu anghywir sydd gennym amdanoch chi yn cael ei gywiro, er efallai y bydd angen i ni wirio cywirdeb y data newydd rydych chi’n ei ddarparu i ni.
• Gwneud cais i ddileu eich data personol. Mae hyn yn eich galluogi i ofyn i ni ddileu neu gael gwared â data personol lle nad oes rheswm da dros barhau i’w brosesu. Mae gennych hefyd yr hawl i ofyn i ni ddileu neu gael gwared â’ch data personol pan fyddwch wedi arfer eich hawl yn llwyddiannus i wrthwynebu prosesu (gweler isod), lle gallem fod wedi prosesu eich gwybodaeth yn anghyfreithlon neu lle mae’n ofynnol i ni ddileu eich data personol er mwyn cydymffurfio â chyfraith leol. 
• Gwrthwynebu prosesu eich data personol lle rydym yn dibynnu ar fuddiant dilys (neu fuddiant trydydd parti) a bod rhywbeth am eich sefyllfa benodol sy’n gwneud i chi fod eisiau gwrthwynebu prosesu ar y sail hon gan eich bod yn teimlo ei fod yn effeithio ar eich hawliau a’ch rhyddid sylfaenol. Mae gennych hawl i wrthwynebu hefyd lle rydym yn prosesu eich data personol at ddibenion marchnata uniongyrchol.
• Gofyn am gyfyngu ar brosesu eich data personol. Mae hyn yn eich galluogi i ofyn i ni atal prosesu eich data personol, ond dim ond yn y sefyllfaoedd canlynol:
  • Os ydych chi am i ni gadarnhau cywirdeb y data.
  • Pan mae ein defnydd o’r data yn anghyfreithlon ond nad ydych am i ni ei ddileu.

• Pan rydych chi angen i ni gadw’r data hyd yn oed os nad oes ei angen arnom mwyach gan fod ei angen arnoch i sefydlu, arfer neu amddiffyn hawliadau cyfreithiol.
• Rydych chi wedi gwrthwynebu ein defnydd o’ch data ond mae angen i ni wirio a oes gennym sail gyfreithiol hollbwysig dros ei ddefnyddio.

• Gwneud cais i drosglwyddo eich data personol i chi neu i drydydd parti. Byddwn yn darparu eich data personol i chi, neu drydydd parti rydych chi wedi’i ddewis, mewn fformat strwythuredig sy’n cael ei ddefnyddio’n gyffredin ac sy’n hawdd ei ddarllen gan beiriant. Sylwch nad yw’r hawl hwn yn berthnasol ond i wybodaeth awtomataidd y rhoesoch ganiatâd i ni ei defnyddio yn y lle cyntaf neu lle bu i ni ddefnyddio’r wybodaeth i gyflawni contract â chi.
• Tynnu cydsyniad yn ôl unrhyw bryd lle rydym yn dibynnu ar gydsyniad i brosesu eich data personol. Fodd bynnag, ni fydd hyn yn effeithio ar gyfreithlondeb unrhyw brosesu a wneir cyn i chi dynnu eich caniatâd yn ôl. Os byddwch yn tynnu eich caniatâd yn ôl, efallai na fyddwn yn gallu darparu rhai gwasanaethau i chi. Byddwn yn rhoi gwybod i chi os yw hyn yn wir pan fyddwch yn tynnu eich caniatâd yn ôl.

Os ydych chi’n dymuno arfer unrhyw un o’r hawliau a nodir uchod, cysylltwch â ni.

Does dim angen talu ffi fel arfer

Ni fydd yn rhaid i chi dalu ffi i gael mynediad at eich data personol (nac i arfer unrhyw un o’ch hawliau eraill). Fodd bynnag, mae’n bosibl y byddwn yn codi ffi resymol os tybir bod eich cais yn amlwg yn ddi-sail, yn ailadroddus neu’n ormodol. Neu, gallem wrthod cydymffurfio â’ch cais yn yr amgylchiadau hyn.

Beth fyddwn ni ei angen gennych chi

Mae’n bosibl y bydd angen i ni ofyn am wybodaeth benodol gennych i’n helpu i gadarnhau pwy ydych chi ac i sicrhau bod gennych chi hawl i weld eich data personol (neu i arfer unrhyw rai o’ch hawliau eraill). Mesur diogelwch yw hwn i sicrhau nad yw data personol yn cael ei ddatgelu i unrhyw un nad oes ganddo’r hawl i’w gael. Mae’n bosibl y byddwn hefyd yn cysylltu â chi i ofyn am ragor o wybodaeth ynghylch eich cais i gyflymu ein hymateb.

Terfyn amser i ymateb

Rydym yn ceisio ymateb i bob cais dilys o fewn mis. O bryd i’w gilydd, gallai gymryd mwy na mis i ni os yw eich cais yn arbennig o gymhleth neu os ydych wedi gwneud nifer o geisiadau. Yn yr achos hwn, byddwn yn eich hysbysu ac yn rhoi’r wybodaeth ddiweddaraf i chi.

Cwynion

Mae gennych chi’r hawl i gwyno unrhyw bryd wrth Swyddfa’r Comisiynydd Gwybodaeth (ICO), awdurdod goruchwylio’r DU ar gyfer materion sy’n ymwneud â diogelu data (www.ico.org.uk). Fodd bynnag, byddem yn gwerthfawrogi’r cyfle i ddelio â’r hyn sy’n eich poeni cyn i chi gysylltu â Swyddfa’r Comisiynydd, felly cysylltwch â ni yn y lle cyntaf.

11. Sut mae cysylltu â ni

Gobeithio bod yr Hysbysiad Preifatrwydd hwn wedi bod yn ddefnyddiol o ran sut rydym yn defnyddio data personol a’ch hawliau mewn perthynas â data personol o’r fath. Os oes gennych chi unrhyw gwestiynau cysylltwch â ni:

• Anfonwch e-bost atom yn dpo@wcva.cymru. 
• Ysgrifennwch atom yng Nghyngor Gweithredu Gwirfoddol Cymru, Un Rhodfa’r Gamlas, Heol Dumballs, Caerdydd CF10 5BF.

Atodiad 1 – Defnyddio eich data personol

Rydym wedi grwpio’r data personol a ddefnyddiwn gyda’i gilydd fel a ganlyn:

• Mae Data Adnabod yn cynnwys enw cyntaf, cyfenw, dyddiad geni, teitl swydd ac enw’r sefydliad.
• Mae Data Cyswllt yn cynnwys cyfeiriad bilio, cyfeiriad e-bost personol, cyfeiriad e-bost busnes a rhifau ffôn.
• Mae Data Sensitif yn cynnwys rhywedd, tarddiad hiliol neu ethnig, a chyflyrau iechyd
• Mae Data Technegol yn cynnwys cyfeiriad protocol rhyngrwyd (IP), eich data mewngofnodi, a gwybodaeth dechnegol arall am y dyfeisiau rydych chi’n eu defnyddio i gael mynediad at unrhyw wasanaethau TSSW.
• Mae Data Defnydd yn cynnwys gwybodaeth am sut rydych chi’n defnyddio ein gwefan a’n gwasanaethau.

Rydym hefyd yn casglu, yn defnyddio ac yn rhannu Data Cyfunol fel data ystadegol neu ddemograffig at unrhyw ddiben. Gall Data Cyfunol ddeillio o’ch data personol, ond nid yw’n cael ei ystyried yn ddata personol yn gyfreithiol gan na fydd y data hwn yn datgelu pwy ydych chi’n uniongyrchol nac yn anuniongyrchol. Fodd bynnag, os byddwn yn cyfuno neu’n cysylltu Data Cyfunol â data personol er mwyn iddo allu adnabod unigolyn yn uniongyrchol neu’n anuniongyrchol, byddwn yn trin y data cyfunol fel data personol. Byddai hwn yn cael ei ddefnyddio yn unol â’r Hysbysiad Preifatrwydd hwn.

Dibenion defnyddio eich data personol – pob llwyfan a gwasanaeth (Gwirfoddoli Cymru, Hwb Gwybodaeth, CRM, Cyllido Cymru ac infoengine)

Rydym wedi rhoi disgrifiad isod o’r holl ffyrdd y gallwn ddefnyddio eich data personol.

Diben/Gweithgaredd	Math o ddata
Eich cofrestru chi fel defnyddiwr, gwirfoddolwr neu eich cyfrif	(a) Adnabod  (b) Cyswllt
Crynhoi eich data personol at ddibenion gwerthuso ac adroddiadau dadansoddeg	(a) Adnabod  (b) Sensitif (c) Cyswllt
Prosesu a rheoli taliadau	(a) Adnabod  (b) Cyswllt
Rheoli ein perthynas â chi a fydd yn cynnwys:(a) Rhoi gwybod i chi am newidiadau i’n telerau (b) Gofyn i chi roi adolygiad neu gymryd rhan mewn arolwg(c) Darparu ar gyfer unrhyw ofynion penodol a allai fod gennych	(a) Adnabod  (b) Sensitif (c) Cyswllt
Gweinyddu a diogelu ein busnes, ein gwefannau a’r systemau rydym yn eu defnyddio i ddarparu ein gwasanaethau i chi (gan gynnwys datrys problemau, dadansoddi data, profi, cynnal a chadw systemau, cefnogi, adrodd a lletya data)	(a) Adnabod (b) Cyswllt (c) Technegol
Darparu cynnwys perthnasol ar y wefan i chi	(a) Adnabod  (b) Cyswllt  (d) Defnydd  (e) Technegol
Defnyddio dadansoddeg data i wella ein gwefan, ein gwasanaethau, ein marchnata, ein cysylltiadau â chleientiaid a phrofiadau	(a) Technegol  (b) Defnydd
Gwneud awgrymiadau ac argymhellion i chi am wasanaethau a allai fod o ddiddordeb i chi	(a) Adnabod  (b) Cyswllt  (c) Technegol  (d) Defnydd
Prosesu a rheoli’r cynlluniau aelodaeth sydd gennych gydag unrhyw un o aelodau TSSW	(a) Adnabod  (b) Cyswllt
Creu astudiaethau achos	(a) Adnabod  (b) Cyswllt

Is-broseswyr a benodwyd

Pwrpas prosesu	Is-broseswyr a benodwyd
Lletya darparwyr	SalesForce Third Eye Vision (3EV) Ipswich Software Limited

Gwasanaethau a llwyfannau penodol

Yn ogystal â’r tabl uchod, mae’r pyrth a’r gwasanaethau canlynol yn defnyddio gwybodaeth bersonol, naill ai gennych chi neu o’r Gronfa Ddata, i ddarparu eu gwasanaethau i chi, neu ar gyfer eu gofynion unigol eu hunain: 

• Rheoli Cysylltiadau â Chleientiaid (CRM)
• infoengine

Mae rhagor o wybodaeth am bob llwyfan a gwasanaeth ar gael isod.

• Rheoli Cysylltiadau â Chleientiaid (CRM)

Caiff gwybodaeth bersonol ei phrosesu pan fyddwch yn gwneud ymholiad gyda ni (Rhyngweithio) at ddibenion cofnodi’r rhyngweithio ac at ddibenion adrodd. Os ydych chi’n archebu lle mewn digwyddiad, yna bydd eich gwybodaeth bersonol yn cael ei defnyddio i reoli’r digwyddiad ac at ddibenion adrodd.

• infoengine 

Mae gwybodaeth bersonol yn cael ei phrosesu pan fyddwch yn defnyddio gwefan infoengine i greu cofnod. Bydd hefyd angen cyfeiriad e-bost i greu rhestr fer fel y gallwn ni anfon diweddariadau i’ch rhestr fer atoch chi.  Rhaid i ni gadw’r wybodaeth hon er mwyn darparu’r gwasanaeth diweddariadau hwn. 

Os ydych chi’n penderfynu nad ydych chi eisiau cael diweddariadau i’ch rhestr fer mwyach, cysylltwch ag infoengine@pavo.org.uk neu ysgrifennwch at: infoengine, PAVO, Uned 30, Ystad Ddiwydiannol Heol Ddole, Llandrindod, Powys, LD1 6DF, a byddwn yn tynnu eich manylion cyswllt oddi ar y system.